Mannanafnanefnd, úrskurður 10. ágúst 2009

FUNDARGERÐ

Ár 2009, mánudaginn 10. ágúst, var haldinn símafundur í mannanafnanefnd. Viðstödd voru Kolbrún Linda Ísleifsdóttir, Ágústa Þorbergsdóttir og Baldur Sigurðsson. Neðangreint mál var tekið fyrir:

1.         Mál nr.  72/2009         Eiginnafn:        Gullý  (kvk.)   

Kveðinn er upp svohljóðandi úrskurður:

Eiginnafnið Gullý (kvk.) tekur beygingu í eignarfalli, Gullýjar, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Gullý (kvk.)  er samþykkt og skal nafnið fært á mannanafnaskrá ásamt eignarfallsendingu þess, Gullýjar. 

--------------------------------------------

Fleira var ekki tekið fyrir og fundi slitið.