Áætluð tekjujöfnunarframlög 2019

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um áætlaða úthlutun tekjujöfnunarframlaga ársins 2019.

Ráðherra hefur samþykkt tillöguna á grundvelli 12. gr. reglugerðar um Jöfnunarsjóð sveitarfélaga, nr. 1088/2018. Að teknu tilliti til ráðstöfunarfjármagns sjóðsins nemur áætluð heildarfjárhæð framlaganna 1.250 m.kr. og tekur jöfnunin mið af 95,31% af meðaltekjum á íbúa í viðkomandi viðmiðunarflokki framlaganna.

Við útreikning framlaganna er gengið út frá hámarkstekjumöguleikum sveitarfélaga af útsvari og fasteignaskatti. Einungis kemur til greiðslu framlags hafi sveitarfélög fullnýtt heimild sína til álagningar útsvars.

Fyrir 1. nóvember nk. koma ¾ hlutar af áætluðum framlögum til greiðslu samtals 937,5 m.kr. Uppgjör framlaganna fer fram í desember á grundvelli leiðréttrar skrár um álagðar skatttekjur sveitarfélaga.

• Áætluð tekjujöfnunarframlög 2019