Sólheimar í Grímsnesi

Sólheimar í Grímsnesi héldu upp á 75 ára afmæli sitt þann 5. júlí sl. Við það hátíðlega tækifæri tók Árni Magnússon félagsmálaráðherra skóflustungu fyrir nýju húsnæði sem mun hýsa mötuneyti og aðra þjónustu við íbúa Sólheima.

Húsið er alls 660 fm á tveimur hæðum en arkitekt hússins er Árni Friðriksson. Ætlunin er að húsið verði tilbúið á miðju ári 2006. Þetta nýja hús mun leysa af hólmi eldra mötuneyti sem byggt var árið 1965 sem fullnægir engan veginn þeim kröfum sem gerðar eru í dag til aðgengis og aðbúnaðar.

Framkvæmdasjóður fatlaðra mun styrkja verkefnið um 120 m.kr á næstu fjórum árum.