Mál nr. 75/2019 Úrskurður 2. september 2019
Mál nr. 75/2019 Aðlögun kenninafns: Dönudóttir
Hinn 2. september 2019 kveður mannanafnanefnd upp svohljóðandi úrskurð í máli 75/2019.
Með bréfi Þjóðskrár Íslands, dags. 19. ágúst 2019, var óskað úrskurðar mannanafnanefndar um beiðni xxx um að eiginnafn móður, Danute, verði lagað að íslensku máli og að móðurkenning verði Dönudóttir.
Ekkert er í lögum nr. 45/1996, um mannanöfn, sem stendur í vegi fyrir því að fallist sé á ofangreinda beiðni.