Samræming samninga

Í heilbrigðis- og tryggingamálaráðuneytinu hefur verið ákveðið að hefja vinnu við að samræma alla samninga við aðila aðra en ríkisstofnanir sem ráðuneytið kaupir þjónustu af. Samningar við þessa aðila eru með nokkuð mismunandi hætti. Við flesta þeirra gilda þjónustusamningar, en við öldrunarstofnanir hafa samningar verið í formi sérstaks greiðslufyrirkomulags samkvæmt reiknilíkani og sérstökum skilmálablöðum þar sem byggt er á lögum og reglugerðum um þessa þjónustu. Nokkrir minni rekstraraðilar njóta styrkja frá ráðuneytinu án sérstakra þjónustusamninga. Ekki stendur til að gera formlega þjónustusamninga við þá aðila en settir verða fram skilmálar og reglur um styrkina, eins og nú er gert varðandi þjónustu öldrunarstofnana. Rekstraraðilar sem undir ráðuneytið heyra eru hátt á annað hundrað og því ljóst að um er að ræða viðamikla vinnu sem taka mun alllangan tíma.