Fundað með ráðherra norðurslóðamála í Kanada

Í gær hélt Pétur Ásgeirsson, sendiherra Íslands í Kanada, kvöldverðarfund með Dan Vandal, ráðherra norðurslóðamála í ríkisstjórn Kanada með sendiherrum Norðurlanda í Ottawa.

Umræðurnar snerust um sameiginlega reynslu af búsetu á norðurslóðum og samstarf Kanada og Norðurlandanna. Einnig var fjallað um Nordic Bridges, norrænan menningarviðburð sem fyrirhugaður er fyrir árið 2021.

Íslenski sendiherrann ræddi um formennsku Íslands í Norðurskautsráðinu og lagði til við ráðherrann að hann sækti Hringborð Norðurslóða í Reykjavík í október á þessu ári.