Mál nr. 111/2021 Úrskurður 9. september 2021

Mál nr. 111/2021                  Eiginnafn:     Snæ

Hinn 9. september 2021 kveður mannanafnanefnd upp svohljóðandi úrskurð í máli 108/2021, en erindið barst nefndinni 24. ágúst.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Eiginnafn má ekki vera þannig að það geti orðið nafnbera til ama.

Eiginnafnið Snæ tekur íslenskri beygingu í eignarfalli, Snæs, og telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Snæ er samþykkt og skal nafnið fært á mannanafnaskrá á lista yfir kynhlutlaus nöfn.