31. janúar sl. afhenti Kristín A. Árnadóttir frú Dame Patsy Reddy, landsstjóra Nýja-Sjálands, trúnaðarbréf sitt sem sendiherra Íslands gagnvart Nýja-Sjálandi, með aðsetur í Reykjavík. Á fundi með landsstjóranum, Grant Robertson, fjármálaráðherra Nýja-Sjálands, og ýmsum sérfræðingum var rætt um samskipti ríkjanna og sameiginleg hagsmunamál. Góð samvinna er á sviði jarðhita, sjávarútvegs og ferðamála og horfa Íslendingar gjarnan til þeirra leiða sem þróaðar hafa verið á Nýja-Sjálandi. Má nefna að þar hefur náðst mikill árangur í verndun náttúruauðlinda á sama tíma og ferðamannastraumur eykst stöðugt. Með Kristínu í för var ræðismaður Íslands á Nýja-Sjálandi, Geiri Pétursson skipstjóri.Efnisorð
