Mál nr. 45/2012, úrskurður 8. ágúst 2012

Mál nr. 45/2012                   Eiginnafn: Ramóna

Hinn 8. ágúst 2012 kveður mannanafnanefnd upp svohljóðandi úrskurð í máli 45/2012 en erindið barst nefndinni 1. ágúst.

Eiginnafnið Ramóna (kvk.) tekur íslenskri beygingu í eignarfalli, Ramónu, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Ramóna (kvk.) er samþykkt og skal nafnið fært á mannanafnaskrá.