Þjóðhagsráð ræddi samspil opinberra fjármála við peningastefnu og kjaramál

Þjóðhagsráð kom til fundar í dag til að fjalla um stöðu efnahagsmála og samspil opinberra fjármála við peningastefnu og kjaramál.  Í ráðinu eiga nú sæti forsætisráðherra, fjármála- og efnahagsráðherra, umhverfis- og auðlindaráðherra, Seðlabankastjóri, framkvæmdastjóri Samtaka atvinnulífsins og formaður Sambands íslenskra sveitarfélaga. 

Á fundinum var rætt um meginlínur í opinberum fjármálum til næstu fimm ára, stöðu vinnu við nýtt vinnumarkaðslíkan, kjarasamninga á árinu og árangur og áskoranir peningastefnunnar. Fundargerð af þessum fundi verður aðgengileg eins fljótt og unnt er. 

Meðfylgjandi er efni sem kynnt var á fundinum frá fjármála- og efnahagsráðherra og Seðlabankastjóra  auk greinargerðar sem Hallgrímur Snorrason, fyrrum hagstofustjóri, tók saman um launatölfræði í Noregi og á Íslandi. 

• Greinargerð um launatölfræði í Noregi og á Íslandi
• Efni fjármála- og efnahagsráðherra í tengslum við fund Þjóðhagsráðs
• Efni frá seðlabankastjóra í tengslum við fund Þjóðhagsráðs