Matvælaráðherra tók á móti köku ársins
BIGSvandís Svavarsdóttir matvælaráðherra tók á móti sigurvegara árlegrar keppni Landssambands bakarameistara um köku ársins 2023. Guðrún Erla Guðjónsdóttir í Mosfellsbakaríi er höfundur vinningskökunnar.
Ásamt matvælaráðherra og vinningshafa mættu við afhendingu þeir Sigurður Hannesson, framkvæmdastjóri Samtaka iðnaðarins og Sigurður Már Guðjónsson, formaður Landssambands bakarameistara.
„Þessi árlega hefð íslenskra bakarameistara er svo sannarlega gleðigjafi á útmánuðum og dregur vel fram hversu hæfir íslenskir bakarar eru,“ sagðir Svandís við afhendinguna. „Vinningskakan hefur þessa hárfínu blöndu sem góð kaka þarf að hafa, örlítil sýra úr sítrónunni myndar hið fullkomna jafnvægi á móti sætunni úr karamellunni.“