Mál nr. 27/2020 Úrskurður 21. apríl 2020
Mál nr. 27/2020 Millinafn: Brettingz
Hinn 21. apríl 2020 kveður mannanafnanefnd upp svohljóðandi úrskurð í máli 27/2020 en erindið barst nefndinni 16. apríl 2020.
Til þess að hægt sé að samþykkja nýtt millinafn og færa það á mannanafnaskrá þurfa öll skilyrði 6. gr. laga, nr. 45/1996, um mannanöfn að vera uppfyllt. Skilyrðin eru þessi:
- Millinafn skal dregið af íslenskum orðstofnum eða hafa unnið sér hefð í íslensku máli en má þó ekki hafa nefnifallsendingu.
- Nöfn, sem aðeins hafa unnið sér hefð sem annaðhvort eiginnöfn karla eða eiginnöfn kvenna, eru ekki heimil sem millinöfn.
- Millinafn skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Millinafn má ekki vera þannig að það geti orðið nafnbera til ama.
Auk þess má nafnið ekki vera ættarnafn í skilningi 7. gr. mannanafnalaga. Með almennum ritreglum íslensks máls er vísað til auglýsinga mennta- og menningarmálaráðuneytis, nr. 695/2016 og 800/2018, um íslenska stafsetningu.
Millinafnið Brettingz, dregið af nafnorðinu brettingur, er ekki ritað í samræmi við almennar ritreglur íslensks máls þar sem bókstafurinn z er ekki íslensku stafrófi. Ekki er hefð fyrir þessu millinafni í íslensku og þar af leiðandi ekki heldur fyrir einstökum ritháttum þess.