Mál nr. 72/2014 úrskurður 3. október 2014

Mannanafnanefnd-úrskurðir 

       Mál nr. 72/2014                   

Eiginnafn:      Hróbjartur

Hinn 3. október 2014 kveður mannanafnanefnd upp svohljóðandi úrskurð í máli 72/2014.

Með bréfi Þjóðskrár Íslands, dags. 24. september 2014, var óskað úrskurðar mannanafnanefndar um beiðni a og b um að heimilað verði að breyta rithætti nafns sonar þeirra úr Robert í Hróbjartur þannig að nafnið verði aðlagað íslensku máli.

Ekkert í lögum nr. 45/1996, um mannanöfn, stendur í vegi fyrir því að fallist sé á ofangreinda beiðni.

Úrskurðarorð:

Fallist er á ritháttinn Hróbjartur.