Kristjana Arnarsdóttir er nýr aðstoðarmaður mennta- og barnamálaráðherra
Kristjana er með B.A.-próf í mannfræði og fjölmiðlafræði frá Háskóla Íslands og MSc-próf í markaðsfræði frá Háskólanum í Reykjavík. Kristjana hefur síðastliðin átta ár starfað hjá RÚV sem íþróttafréttamaður og þáttastjórnandi. Hún hefur til fjölda ára stýrt umfjöllun á RÚV frá mörgum stórmótum í íþróttum, unnið við innlenda dagskrárgerð í sjónvarpi og var spyrill í spurningaþættinum Gettu betur frá 2019-2023.
Maki Kristjönu er Haraldur Franklín Magnús, atvinnukylfingur, og saman eiga þau eina dóttur, Rósu Björk, sem er tveggja ára.
Kristjana hefur störf í dag, 1. október. Hún mun starfa ásamt Teiti Erlingssyni, sem einnig er aðstoðarmaður mennta- og barnamálaráðherra.