Norðurbryggja í Kaupmannahöfn - Norrænt setur

Vefur Norðurbryggju (Nordatlantens Brygge) er nordatlantens.dk. Þar má meðal annars finna upplýsingar um stjórn Norðurbryggju en forsætisráðuneytið á fulltrúa í henni. Fyrsta stjórn Norðurbryggju

Það efni sem hér er að finna byggir á kynningarbæklingi um endurbyggingu Norðurbryggju sem gefinn var út árið 2001 af forsætisráðuneytinu og utanríkisráðuneytinu. 

Á Norðurbryggju í hjarta Kaupmannahafnar

Gamla hafnarsvæðið í hjarta Kaupmannahafnar var um margra alda skeið miðstöð verslunar og viðskipta á Norður-Atlantshafi og áfangastaður Íslendinga þegar haldið var utan.

Um áratuga skeið hefur þetta sögufræga athafnasvæði legið í dvala. Brátt vaknar svæðið til lífs á ný. Þar verður sköpuð umgjörð fyrir blómlegt starf, sem miðar að því að efla samstarf Íslands, Danmerkur, Færeyja og Grænlands. Löndin fjögur hafa sameinast um að endurreisa eitt elsta og fegursta pakkhúsið á hafnarsvæðinu.

Þar verður einnig nýtt aðsetur sendiráðs Íslands í Danmörku.

Teikning af Norðurbryggju