Flutningur verkefna á sviði heilbrigðisþjónustu frá ríki til sveitarfélaga
Í október 2003 skipaði Jón Kristjánsson, heilbrigðis- og tryggingamálaráðherra, nefnd um flutning á verkefnum á sviði heilbrigðismála frá ríki til sveitarfélaga. Var nefndinni falið að kanna hvaða verkefni á sviði heilbrigðisþjónustu og þjónustu við aldraða sé mögulegt og æskilegt að flytja frá ríki til sveitarfélaga. Átti nefndin m.a. að kanna hvort flytja eigi heilsugæslustöðvar og heilbrigðisstofnanir, aðrar en Landspítala – háskólasjúkrahús og Fjórðungssjúkrahúsið á Akureyri, til sveitarfélaga. Við mat á því hvort flytja eigi þessa þjónustu að hluta til eða öllu leyti bar nefndinni að líta til þjóðhagslegrar hagkvæmni, gæða þjónustunnar og áhrifa á stöðu og réttindi starfsfólks í heilbrigðisþjónustunni. Loks fékk nefndin það verkefni að kanna hvernig standa mætti að flutningi verkefna og leggja mat á hvort slíkt yrði gert með breytingu á lögum eða reglugerðuna og/eða þjónustusamningum.