Skýrsla starfshóps um nautakjötsframleiðslu og stöðu holdanautastofnsins á Íslandi

Árið 2011 skipaði þáverandi sjávarútvegs- og landbúnaðarráðherra starfshóp um hvernig standa megi sem best að því að endurnýja og styrkja holdanautastofn á Íslandi. Starfshópurinn hefur nú skilað af sér skýrslu þar sem núverandi staða þessa máls er greind og komið með tillögur um næstu skref. Megin niðurstaðan er sú að erfðahópurinn í nautakjötsframleiðslunni verði ekki styrktur svo sjálfbær kynbótastarfsemi nái að dafna nema með tilkomu innflutts erfðaefnis. Innflutningur á erfðaefni úr holdakynjum myndi einn og sér þó ekki nýtast sem skyldi nema að gerðar verði ráðstafanir til að byggja upp inniviði greinarinnar sem og umgjörð hennar hér á landi s.s. aðferðir við kjötmat, skýrsluhald og ráðgjöf. Slíkt myndi nýtast öllum framleiðendum nautakjöts hvort heldur sem framleiðslan er þeirra aðalbúgrein eða hliðarbúgrein með mjólkurframleiðslu.
Skýrsla starfshóps um nautakjötsframleiðslu og stöðu holdanautastofnsins á Íslandi