Skýrsla: Framtíð kyntra veitna og varmadælur

Á átta stöðum á landinu þar sem ekki hefur tekist að finna heitt vatn til upphitunar eru reknar kyntar veitur. Í nýrri skýrslu starfshóps sem fór yfir framtíð kyntra veitna og möguleika til nýtingar varmadæla er lagt mat á kosti og galla veitanna. Jafnframt eru settar fram tillögur um það hvernig bæta megi rekstrargrundvöll þeirra.

Í skýrslunni kemur fram að talsverðir hagsmunir séu í því að kyntar veitur verði áfram í rekstri. Eru þar helst taldir til fjórir þættir:

1. Betri nýting vatnsaflsvirkjana, þar sem veiturnar nýta skerðanlega orku sem annars færi forgörðum
2. Lægra upphitunarverð til notenda
3. Lægri niðurgreiðsluþörf ríkis en til beinnar rafhitunar
4. Minni varaaflsþörf í raforkukerfinu

• Skýrslan Framtíð kyntra veitna og möguleikar til nýtingar varmadæla