Endurgerð skýrsla RHA um ráðstöfun aflamarks og áhrif þess á byggðafestu
Rannsóknamiðstöð Háskólans á Akureyri (RHA) endurgerði skýrslu sína um ráðstöfun aflamarks og áhrif þess á byggðafestu, sem birt var í febrúar 2016 um að leggja sérstakt mat á byggðafestuáhrif hinna einstöku aðgerða vegna atvinnu-, félags- og byggðaráðstafana í fiskveiðistjórnarkerfinu og jafnframt hvort einhverjar aðrar leiðir væru hentugri til að tryggja byggðafestuna.
Þær aðgerðir sem hér um ræðir eru línuívilnun, almenni byggðakvótinn, byggðakvóti Byggðastofnunar, rækju- og skelbætur og strandveiðar. Gagnasafn yfir allar hafnir á landinu á tímabilinu 2004-2014 var lagt til grundvallar niðurstöðunum.
Að hluta var það talnaefni sem notað var í fyrri skýrsluna ekki rétt og hefur verið gerð bragarbót á því í nýrri útgáfu skýrslunnar.