Úrskurður nr. 28/2010
Miðvikudaginn 23. júní 2010
A
gegn
Tryggingastofnun ríkisins
Ú r s k u r ð u r
Mál þetta úrskurða Friðjón Örn Friðjónsson, hrl., Guðmundur Sigurðsson, læknir og Þuríður Árnadóttir, lögfræðingur.
Með bréfi, dags. 11. janúar 2010, kærir A til úrskurðarnefndar almannatrygginga ákvörðun Tryggingastofnunar ríkisins varðandi endurhæfingarlífeyri.
Óskað er endurskoðunar.
Málavextir eru þeir samkvæmt málsgögnum að með umsókn til Tryggingastofnunar ríkisins, dags. 2. desember 2009, sótti kærandi um enduhæfingarlífeyri.
Úrskurðarnefndin óskaði með bréfi dags. 18. janúar 2010, eftir greinargerð Tryggingastofnunar ríkisins. Greinargerðin er dagsett 29. janúar 2010, þar segir meðal annars:
„Enn fremur má geta þess að í kærubréfinu er talað um “úrskurð” Tryggingastofnunar þar sem umsókn um endurhæfingarlífeyri hafi verið hafnað. Enginn úrskurður liggur fyrir í þessu máli af hálfu Tryggingastofnunar. Einungis bréf þar sem óskað var frekari upplýsinga frá umsækjanda áður en erindi hans yrði afgreitt. Af þessu öllu leiðir að Tryggingastofnun ríkisins telur rétt að ofangreindu máli verði vísað frá nefndinni eins og fram kemur hér í upphafi.“
Niðurstaða úrskurðarnefndar:
Kæra varðar umsókn um endurhæfingalífeyri. Þar sem Tryggingastofnun ríkisins hefur mál kæranda enn til umfjöllunar og hefur ekki lokið afgreiðslu þess verður það ekki tekið til úrskurðar hjá úrskurðarnefnd almannatrygginga, sbr. 2. mgr. 26. gr. stjórnsýslulaga nr. 37/1993. Þegar af þeirri ástæðu er málinu vísað frá úrskurðarnefnd almannatrygginga.
Ú R S K U R Ð A R O R Ð:
Máli A er vísað frá úrskurðarnefnd almannatrygginga.
F.h. úrskurðarnefndar almannatrygginga
Friðjón Örn Friðjónsson,
formaður