Seltjarnarneskaupstaður - Skipan starfshóps um skólamál, málsmeðferð við sameiningu grunnskóla, boðun aukafundar í skólanefnd og hlutverk skólanefndar
18. júní 2004
FEL03110025/100
Guðrún Helga Brynleifsdóttir,
Bollagörðum 61
170 Seltjarnarnesi
Vísað er til erindis yðar, dags. 12. nóvember 2003, þar sem þér óskið eftir áliti ráðuneytisins á því hvort
meiri hluti Sjálfstæðismanna á Seltjarnarnesi hafi brotið gegn góðum stjórnsýsluháttum í tengslum við
tiltekin þrjú álitaefni, þ.e. ákvörðun bæjarstjórnar um sameiningu grunnskóla, ákvörðun bæjarstjórnar um
að skipa starfshóp um málefni sameiningar grunnskóla og ákvörðun um boðun aukafundar í skólanefnd
og atriði tengd fundarefni þess fundar.
Nokkuð hefur dregist að afgreiða erindi yðar en sú töf skýrist bæði af frestum sem aðilum voru veittir til
að leggja fram athugasemdir og annríki í ráðuneytinu. Ráðuneytið sendi erindi yðar til umsagnar
Seltjarnarneskaupstaðar með bréfi, dags. 22. janúar 2004, og barst umsögn sveitarfélagsins ráðuneytinu
með bréfi, dags. 9. febrúar 2004, ásamt fylgiskjölum. Frekari athugasemdir frá yður bárust ráðuneytinu
með bréfi, dags. 20. apríl 2004. Loks bárust viðbótarathugasemdir sveitarfélagsins ráðuneytinu með bréfi,
dags. 21. maí 2004.
I. Málavextir og málsástæður
Fyrstu tvö álitaefnin sem óskað er eftir áliti ráðuneytisins á koma fram í svohljóðandi tillögu sem
samþykkt var á fundi bæ jarstjórnar Seltjarnarneskaupstaðar þann 8. október 2003:
„Lagt er til að grunnskólar Seltjarnarness verði frá og með skólaárinu 2004-2005 gerðir að
sameiginlegri fag- og rekstrareiningu er lúti stjórn eins skólastjóra í stað tveggja eins og nú er.
Bæjarstjórn feli skólanefnd að skipa tvo fulltrúa meirihluta og einn fulltrúa minnihluta skólanefndar er
annast skuli undirbúning og framkvæmd sameiningarinnar. Tilgangur sameiningar skólanna er að skapa
öfluga skólaheild sem í senn býr yfir kostum sveigjanleika og frelsis smærri skóla ásamt faglegum
styrkleika og hagræði stærri skóla.“
Ákvörðunin var tekin án þess að hljóta áður umfjöllun í skólanefnd Seltjarnarneskaupstaðar. Í erindi yðar
er óskað eftir áliti ráðuneytisins á því hvort sá hluti ákvörðunarinnar sem felur í sér ákvörðun um
sameiningu grunnskóla Seltjarnarneskaupstaðar brjóti gegn góðum stjórnsýsluháttum. Til stuðnings þeirri
skoðun er einkum vísað til hlutverks skólanefndar samkvæmt grunnskólalögum nr. 66/1995, einkum 12.
gr., sbr. lög nr. 48/2001, samþykkt um stjórn og fundarsköp Seltjarnarneskaupstaðar nr. 508/2002 og
venjum um hvaða mál skólanefnd fái til umfjöllunar. Með ákvörðuninni hafi málsmeðferð í lögboðinni
nefnd á vegum sveitarfélagsins verið sniðgengin.
Í umsögn Seltjarnarneskaupstaðar um erindi yðar, dags. 9. febrúar 2004, er því haldið fram að við töku
hinnar umdeildu ákvörðunar hafi góðum stjórnsýsluháttum verið fylgt. Framlagning tillögunnar hafi verið
gerð í samræmi við fundarsköp bæ jarstjórnar Seltjarnarneskaupstaðar og jafnframt auglýst opinberlega
með viku fyrirvara. Bæ jarstjórn Selstjarnarneskaupstaðar fari með æ ðsta vald í málefnum sveitarfélagsins
í samræmi við ákvæ ði sveitarstjórnarlaga nr. 45/1998, sbr. 78. gr. stjórnarskrár lýðveldisins Íslands, nr.
33/1944, með síðari breytingum, sem kveður á um að sveitarfélög skuli sjálf ráða málefnum sínum eftir
því sem lög ákveða. Ákvæ ði grunnskólalaga nr. 66/1995, sbr. einkum 12. gr., kveði á um lögbundið
hlutverk og lögbundin verkefni skólanefnda. Umfjöllun um tillögu um sameiningu grunnskóla falli ekki
þar undir og því hafi bæ jarstjórn Seltjarnarneskaupstaðar réttilega getað tekið slíka ákvörðun án
undanfarandi málsmeðferðar skólanefndar.
Annað álitaefni í erindi yðar lýtur að þeim hluta tilvitnaðrar ákvörðunar bæ jarstjórnar
Seltjarnarneskaupstaðar að skipaður skuli þriggja manna starfshópur úr hópi skólanefndar
sveitarfélagsins. Farið er fram á álit ráðuneytisins á því hvort ákvörðunin samrýmist grunnskólalögum,
samþykkt um stjórn og fundarsköp Seltjarnarneskaupstaðar og sveitarstjórnarlögum. Í erindi yðar er vísað
til skipunar skólanefndar Seltjarnarneskaupstaðar skv. 20. tölul. 51. gr. samþykktar um stjórn og
fundarsköp Seltjarnarneskaupstaðar nr. 508/2002, sbr. hlutverk nefndarinnar samkvæmt grunnskólalögum
nr. 66/1995. Með skipun starfshópsins sé umfjöllun um málefni tengd sameiningu grunnskóla
Seltjarnarneskaupstaðar í skólanefnd sniðgengin, þrátt fyrir að um lögbundna nefnd sé að ræ ða með það
lögákveðna hlutverk að fjalla um málefni grunnskóla sveitarfélagsins. Jafnframt sé lýðræ ðislega
ákveðnum hlutföllum raskað enda fái málefnið umfjöllun í þriggja manna starfshópi, þar sem einn fulltrúi
Neslistans situr, í stað fimm manna skólanefndar, þar sem tveir fulltrúar listans eiga sæ ti. Með skipun
starfshópsins verði jafnframt lögákveðnir áheyrnarfulltrúar kennara, foreldra og skólastjórnenda í
skólanefnd af tæ kifæ ri til þátttöku í umfjöllun um sameiningu skólanna.
Í umsögn Seltjarnarneskaupstaðar er framangreindum rökum mótmæ lt. Því er haldið fram að skipun
starfshópsins sé í samræmi við lög og samþykkt um stjórn og fundarsköp Seltjarnarneskaupstaðar nr.
508/2002. Af hálfu Seltjarnarneskaupstaðar er meðal annars vísað til 52. gr. samþykktar um stjórn og
fundarsköp sveitarfélagsins þar sem fram kemur að bæ jarstjórn sé heimilt að kjósa í nefndir til að vinna
að einstökum málum og þess að verkefni starfshópsins hafi ekki fallið undir hlutverk og verksvið
skólanefndar.
Þriðja álitaefnið í erindi yðar lýtur að aukafundi sem var haldinn í skólanefnd Seltjarnarneskaupstaðar
þann 27. október 2003. Tilefni fundarins og eina mál á dagskrá var bréf foreldris barns í Mýrarhúsaskóla
vegna framkomu skólastjóra og eins kennara í skólanum. Fram kemur að á fundinum hafi svohljóðandi
bókun verið gerð af hálfu meirihluta skólanefndar:
„Fulltrúar meirihluta skólanefndar líta málið mjög alvarlegum augum og leggja til að embæ ttismenn
bæ jarins vinni greinargerð um málið á grundvelli stjórnsýslulaga í samvinnu við lögmenn bæ jarins.“
Í erindi yðar er meðal annars óskað eftir áliti ráðuneytisins á því hvort brotið hafi verið gegn 13. og 14. gr.
stjórnsýslulaga nr. 37/1993, þar sem hvorki hafi verið gæ tt andmæ laréttar né send tilkynning um meðferð
málsins til viðkomandi tveggja starfsmanna. Jafnframt kemur fram sú skoðun að mál tengd meintum
ávirðingum á hendur kennara og skólastjóra heyri ekki undir skólanefnd samkvæmt ákvæ ðum III. kafla
laga nr. 72/1996.
Framangreindu er mótmæ lt í umsögn Seltjarnarneskaupstaðar og því haldið fram að eðlilegt hafi verið að
kynna málið fyrir skólanefnd sem tæ ki afstöðu til áframhalds þess. Engin efnisákvörðun hafi hins vegar
verið tekin á umræ ddum fundi. Á þeim tíma sem fundurinn var haldinn hafi ekki verið komin fram
skilyrði til að tilkynna um málsmeðferð og gefa aðilum kost á andmæ lum í samræmi við ákvæ ði
stjórnsýslulaga. Þau skilyrði hafi komið fram síðar og hafi aðilar málsins þá notið réttar samkvæmt
umræ ddum ákvæ ðum stjórnsýslulaga.
Málavextir og athugasemdir aðila verða ekki raktar nánar í sérstakri umfjöllun en einstökum atriðum
verða gerð ítarlegri skil í áliti ráðuneytisins eftir því sem tilefni er til.
II. Álit ráðuneytisins.
Í erindi yðar er almennt óskað eftir áliti ráðuneytisins á því hvort meiri hluti D-lista Sjálfstæ ðisfélaganna á
Seltjarnarnesi hafi brotið gegn góðum stjórnsýsluháttum í tengslum við tiltekin þrjú álitaefni. Í umfjöllun
um hvert þeirra er einnig vísað til laga og annarra reglna sem þér teljið koma til álita að hafi verið brotnar.
Ráðuneytið telur skilyrði uppfyllt til að taka erindi yðar til athugunar á grundvelli 102. gr.
sveitarstjórnarlaga. Ráðuneytið vill þó taka fram að valdheimildir ráðuneytisins samkvæmt greininni lúta
einungis að eftirliti með starfsemi sveitarfélaga og tekur umfjöllun ráðuneytisins mið af því. Einskorðast
hún því við athafnir og ákvarðanir sem teknar eru innan stjórnkerfis Seltjarnarneskaupstaðar Jafnframt
beinist álit ráðuneytisins eingöngu að þeim lagalegu álitaefnum sem deilt er um í málinu og er þar af
leiðandi ekki tekin afstaða til ólíkra pólitískra sjónarmiða um stjórnskipulag sveitarfélagsins.
Helstu lög og reglur sem gilda um þau álitaefni sem eru til umfjöllunar eru ákvæ ði sveitarstjórnarlaga nr.
45/1998, sbr. einkum 9. gr. um hlutverk og valdsvið sveitarstjórnar og IV. kafli um nefndir, ráð og
stjórnir. Ákvæ ði grunnskólalaga nr. 66/1995 hafa jafnframt þýðingu, einkum þau ákvæ ði laganna sem
kveða á um hlutverk sveitarstjórnar og skólanefndar. Ákvæ ði stjórnsýslulaga nr. 37/1993 hafa þýðingu
um þriðja álitaefnið. Auk ákvæ ða laga koma til skoðunar samþykkt um stjórn og fundarsköp
Seltjarnarneskaupstaðar nr. 508/2002 og erindisbréf fyrir skólanefnd Seltjarnarneskaupstaðar.
A. Um valdsvið skólanefndar
Vegna fyrsta álitaefnisins lítur ráðuneytið svo á að einkum sé óskað álits á því hvort bæ jarstjórn geti tekið
ákvörðun um sameiningu grunnskóla sveitarfélagsins án undanfarandi afgreiðslu skólanefndar á
málefninu.
Samkvæmt 1. mgr. 9. gr. sveitarstjórnarlaga fer sveitarstjórn með stjórn hvers sveitarfélags samkvæmt
ákvæ ðum laga. Í 1. mgr. 44. gr. laganna er kveðið á um að sveitarstjórn ákveði valdsvið nefnda, ráða og
stjórna sem hún kýs nema slíkt sé ákveðið í lögum. Í Seltjarnarneskaupstað starfar skólanefnd í samræmi
við 1. mgr. 12. gr. grunnskólalaga nr. 66/1995, sbr. 20. tölul. 51. gr. samþykktar um stjórn og fundarsköp
Seltjarnarneskaupstaðar nr. 508/2002. Valdsvið skólanefndar er lögbundið skv. 12. gr. grunnskólalaga og
öðrum ákvæ ðum laganna en bæ jarstjórn Seltjarnarneskaupstaðar hefur afmarkað valdsvið nefndarinnar
með nánari hæ tti í erindisbréfi. Í erindisbréfinu eru meðal annars tiltekin ákveðin verkefni skólanefndar
sem ekki koma fram í lögum, eins og nánar verður vikið að síðar.
Í 1. mgr. 12. gr. grunnskólalaga kemur fram að skólanefnd skuli fara með málefni grunnskóla eftir því
sem lög og reglugerðir ákveða og sveitarstjórn eða sveitarstjórnir kunna að fela henni. Í 2. málsl. 2. mgr.
sömu greinar, sbr. lög nr. 48/2001, er mæ lt fyrir um valdsvið skólanefndar með þeim hæ tti sem kann að
skipta máli vegna ákvarðana um sameiningu grunnskóla. Þar segir að skólanefnd geri tillögur til
skólastjóra og/eða skólanefndar um umbæ tur í skólastarfi. Félagsmálaráðuneytið hefur í áliti frá 30. júní
2000 varðandi Öxarfjarðarhrepp (ÚFS 2000:144) fjallað um málefni tengd sameiningu grunnskóla.
Niðurstaða ráðuneytisins í álitinu felur meðal annars í sér að sveitarstjórn geti hafið undirbúning að
sameiningu grunnskóla í sveitarfélagi án atbeina skólanefndar. Ákvæ ði 2. málsl. 2. mgr. 12. gr.
grunnskólalaga var sett eftir að framangreint álit var veitt. Í athugasemdum við greinina í frumvarpi sem
varð að lögum nr. 48/2001 kemur fram að ákvæ ðið taki af tvímæ li um rétt skólanefndar til að gera tillögur
til skólastjóra eða eftir atvikum sveitarstjórnar um úrbæ tur í skólastarfi. Lagabreytingin fól því ekki í sér
efnislegar breytingar heldur var hún gerð til að undirstrika tillögurétt skólanefndar um úrbæ tur í
skólastarfi og er því enn unnt að líta til framangreinds álits um valdheimildir sveitarstjórnar við
sameiningu grunnskóla.
Valdsvið skólanefndar Seltjarnarneskaupstaðar samkvæmt erindisbréfi nefndarinnar felur einkum í sér
vísun til lögboðins valdsviðs skólanefnda samkvæmt grunnskólalögum. Í erindisbréfinu kemur jafnframt
fram að skólanefndin skuli vera faglegur umfjöllunaraðili um skólastarf á Seltjarnarnesi. Í erindisbréfinu
kemur fram að skólanefnd starfi í umboði bæ jarstjórnar Seltjarnarneskaupstaðar og verður ekki séð af
ákvæ ðum erindisbréfsins að skólanefnd sveitarfélagsins eigi skyldubundið að fjalla um og afgreiða
málefni grunnskóla sveitarfélagsins áður en þau eru afgreidd af bæ jarstjórn, umfram það sem lög ákveða.
Meginregla 1. mgr. 9. gr. sveitarstjórnarlaga felur í sér að sveitarstjórn fer með æ ðsta vald í málefnum
sveitarfélags. Er sú meginregla nátengd ákvæ ðum 78. gr. stjórnarskrárinnar og 1. mgr. 1. gr.
sveitarstjórnarlaga um sjálfstjórnarrétt sveitarfélaga. Í ljósi reglunnar verða ákvæ ði laga, reglugerða og
samþykkta að tiltaka með skýrum hæ tti ef takmarka á vald sveitarstjórnar til ákvarðanatöku um einstök
málefni sveitarfélags, til að mynda ef skylt er að láta nefnd fjalla um mál áður en það kemur til afgreiðslu
sveitarstjórnar. Meginreglan hefur jafnframt þá þýðingu að í vafatilvikum verður að líta svo á að
sveitarstjórn hafi óskert ákvörðunarvald um tiltekið málefni.
Menntamálaráðuneytið tók nýverið til umfjöllunar málefni tengd sameiningu grunnskóla
Seltjarnarneskaupstaðar í kjölfar erindis foreldraráðs Mýrarhúsaskóla, sbr. bréf ráðuneytisins dags. 16.
febrúar 2004. Í bréfinu er efni ákvæ ðis 11. gr. grunnskólalaga rakið, meðal annars um það að sveitarfélag
sem reki tvo eða fleiri grunnskóla teljist eitt skólahverfi og jafnframt að sveitarstjórn sé þó heimilt að
ákveða að skipta sveitarfélagi í fleiri en eitt skólahverfi. Með vísan til ákvæ ðisins er það afstaða
menntamálaráðuneytisins að ákvörðunarvald um skipulag skólahverfa liggi hjá sveitarstjórn. Í niðurlagi
bréfs ráðuneytisins kemur jafnframt fram að ábyrgð á rekstri og framkvæmd grunnskólans liggi hjá bæ jareða
sveitarstjórnum samkvæmt grunnskólalögum.
Á grundvelli framangreindrar umfjöllunar er það niðurstaða ráðuneytisins að ákvörðun bæ jarstjórnar
Seltjarnarneskaupstaðar um sameiningu grunnskóla sveitarfélagsins án undanfarandi afgreiðslu
skólanefndar sveitarfélagsins samræmist ákvæ ðum sveitarstjórnarlaga, grunnskólalaga og samþykktar um
stjórn og fundarsköp Seltjarnarneskaupstaðar.
B. Um skipan þriggja manna starfshóps
Annað álitaefnið sem til umfjöllunar er lýtur að ákvörðun bæ jarstjórnar Seltjarnarneskaupstaðar um
skipun þriggja manna starfshóps úr hópi skólanefndarmanna.
Í 7. mgr. 40. gr. sveitarstjórnarlaga er kveðið á um rétt sveitarstjórna til að kjósa nefndir til að vinna að
einstökum afmörkuðum verkefnum, sbr. einnig 52. gr. samþykktar um stjórn og fundarsköp
Seltjarnarneskaupstaðar nr. 508/2002. Ráðuneytið telur að ákvörðun bæ jarstjórnar
Seltjarnarneskaupstaðar um að koma á fót svokölluðum starfshópi er annast skyldi undirbúning og
framkvæmd sameiningarinnar eigi stoð í framangreindu ákvæ ði sveitarstjórnarlaga. Sú skipan að fela
skólanefnd að kjósa þrjá fulltrúa í starfshópinn úr hópi skólanefndarfulltrúa breytir því ekki að það er
bæ jarstjórn sem stofnar til starfshópsins.
Aðalröksemd fyrir ólögmæ ti umræ dds starfshóps byggir á því að verkefni hópsins gangi inn á valdsvið
skólanefndar Seltjarnarneskaupstaðar. Ráðuneytið telur að í þeim tilvikum sem sveitarstjórn kemur á fót
nefndum til að sinna afmörkuðum verkefnum verði að gæ ta að því að hlutverk hinnar verkefnabundnu
nefndar gangi ekki inn á valdsvið fastanefnda sveitarfélags, sbr. 1. mgr. 44. gr. sveitarstjórnarlaga. Til
hliðsjónar er vísað til úrskurðar ráðuneytisins frá 9. ágúst 1996 varðandi Hafnarfjarðarkaupstað (ÚFS
1996:112) sem féll í tíð eldri sveitarstjórnarlaga.
Eins og áður er komið fram í þessu áliti hafa skólanefndir ekki lögákveðnu hlutverki að gegna við
sameiningu grunnskóla. Jafnframt kemur fram að í erindisbréfi fyrir skólanefnd Seltjarnarneskaupstaðar
er nefndinni ekki falið slíkt hlutverk. Verkefni umræ dds starfshóps er samkvæmt ákvörðun
bæ jarstjórnarinnar að annast undirbúning og framkvæmd sameiningar grunnskóla
Seltjarnarneskaupstaðar. Í ljósi þessa telur ráðuneytið að verkefni starfshópsins skerði ekki valdsvið
skólanefndarinnar og skipan og hlutverk starfshópsins samræmist ákvæ ðum sveitarstjórnarlaga,
grunnskólalaga og samþykktar um stjórn og fundarsköp Seltjarnarneskaupstaðar.
Í ljósi framangreindrar niðurstöðu vekur ráðuneytið athygli á því að skólanefnd Seltjarnarneskaupstaðar
getur tekið til umfjöllunar hvert það málefni sem fellur undir valdsvið nefndarinnar, svo sem um úrbæ tur í
skólastarfi, sbr. 2. málsl. 2. mgr. 12. gr. grunnskólalaga, og lagt fram tillögur sem faglegur
umfjöllunaraðili um skólastarf á Seltjarnarnesi, sbr. lokamgr. 2. gr. erindisbréfs fyrir skólanefnd
Seltjarnarneskaupstaðar.
C. Um aukafund skólanefndar 27. október 2003
Að mati ráðuneytisins er þriðja álitaefnið, er varðar aukafund í skólanefnd Seltjarnarneskaupstaðar vegna
bréfs foreldris um meintar ávirðingar á hendur skólastjóra og eins kennara í Mýrarhúsaskóla, einkum
þríþæ tt. Í fyrsta lagi lýtur málið að boðun fundarins, í öðru lagi að því hvort viðkomandi málefni falli
undir valdsvið skólanefndar og loks að því hvort tiltekin ákvæ ði stjórnsýslulaga hafi verið brotin.
Í 4. gr. erindisbréfs fyrir skólanefnd Seltjarnarneskaupstaðar kemur fram að formaður boði til fundar svo
oft sem þurfa þykir. Á fundinn voru boðaðir allir skólanefndarfulltrúar og allir aðilar með seturétt á
fundum skólanefndarinnar að undanskildum þeim skólastjóra sem málið varðaði. Ráðuneytið telur sýnt að
viðkomandi skólastjóri hefði talist vanhæ fur til umfjöllunar um eina málefni fundarins, sbr. 1. mgr. 19. gr.
sveitarstjórnarlaga. Réttur hans til að koma að andmæ lum um málið síðar, sbr. 13. gr. stjórnsýslulaga,
leiðir ekki til þess að skólastjórinn hafi átt seturétt á fundinum, sbr. umfjöllun ráðuneytisins hér á eftir.
Á grundvelli framangreinds telur ráðuneytið að eins og atvikum máls var háttað hafi verið rétt að boða
ekki viðkomandi skólastjóra á umræ ddan fund. Hins vegar telur ráðuneytið að eðlilegt hefði verið, og í
samræmi við góða stjórnsýsluhæ tti, að kynna skólastjóranum að viðkomandi fundur yrði haldinn í
skólanefnd Seltjarnarneskaupstaðar, enda hefur hann almennt seturétt á fundum skólanefndarinnar.
Í áliti ráðuneytisins hefur verið gerð grein fyrir helstu sjónarmiðum sem gilda um hlutverk skólanefnda en
ekki hefur verið fjallað sérstaklega um valdsvið nefndarinnar gagnvart starfsfólki grunnskóla. Skólanefnd
fer með málefni grunnskóla eftir því sem lög og reglugerðir ákveða og sveitarstjórn eða sveitarstjórnir
kunna að fela henni, sbr. 1. mgr. 12. gr. grunnskólalaga. Í 1. mgr. 23. gr. laganna kemur fram að
skólastjóri grunnskóla skuli ráðinn af sveitarstjórn að fenginni umsögn skólanefndar. Umræ tt ákvæ ði er
jafnframt tekið upp í 11. gr. erindisbréfs fyrir skólanefnd Seltjarnarneskaupstaðar. Í erindisbréfinu kemur
jafnframt fram að grunnskólakennarar skuli ráðnir af skólastjóra í samráði við skólanefnd
Seltjarnarneskaupstaðar, sbr. 12. gr. erindisbréfsins. Í V. kafla erindisbréfsins er fjallað um meðferð
ágreiningsmála og er lokamgr. 15. gr. svohljóðandi:
„Telji foreldrar eða forráðamenn barna að skólastjóri eða kennari hafi gerst brotlegir við leikskóla- eða
grunnskólalög geta þeir vísað málinu til skólanefndar til úrlausnar.“
Samkvæmt lokamgr. 15. gr. erindisbréfs fyrir skólanefnd Seltjarnarneskaupstaðar fæ r nefndin mál vegna
meintra brota kennara og skólastjóra til úrlausnar. Með hliðsjón af meginreglum um veitingarvald
samkvæmt opinberum starfsmannarétti telur ráðuneytið að líta beri svo á að ef meint brot geta leitt til
áminningar eða annars konar starfsmannaviðurlaga felist hlutverk skólanefndar samkvæmt málsgreininni í
því að beina málinu til viðkomandi veitingarvaldshafa til úrlausnar. Af gögnum málsins telur ráðuneytið
mega ráða að þæ r ávirðingar sem bornar voru á skólastjóra og kennara Mýrarhúsaskóla hafi getað falið í
sér brot á grunnskólalögum.
Ákvæ ði 13. gr. stjórnsýslulaga nr. 37/1993 kveður á um rétt aðila máls til að tjá sig um efni máls áður en
stjórnvald tekur ákvörðun í því, enda liggi ekki fyrir í gögnum málsins afstaða hans og rök fyrir henni eða
slíkt sé augljóslega óþarft. Í 14. gr. laganna er kveðið á um það að eigi aðili máls rétt á að tjá sig um efni
þess skv. 13. gr., skuli stjórnvald svo fljótt sem því verður við komið vekja athygli aðila á því að mál sé til
meðferðar nema ljóst sé að hann hafi fengið vitneskju um það fyrir fram.
Á fundi skólanefndar Seltjarnarneskaupstaðar þann 27. október 2003 var bréf foreldris barns í
Mýrarhúsaskóla, þar sem fram komu ávirðingar á hendur skólastjóra og einn kennara, tekið fyrir í fyrsta
skipti hjá skólanefnd Seltjarnarneskaupstaðar. Í samræmi við umfjöllun hér að framan heyrir málefni af
þessum toga undir valdsvið nefndarinnar, sbr. lokamgr. 15. gr. erindisbréfs fyrir skólanefnd
Seltjarnarneskaupstaðar. Það er mat ráðuneytisins, með hliðsjón af orðalagi bókunar meiri hluta
skólanefndar Seltjarnarneskaupstaðar, að í bókuninni felist afgreiðsla sem markar upphaf málsmeðferðar
viðkomandi máls í stjórnkerfi Seltjarnarneskaupstaðar. Það er því álit ráðuneytisins að ekki hafi verið
brotinn réttur á viðkomandi aðilum málsins skv. 13. og 14. gr. stjórnsýslulaga, enda hafi ekki verið
tímabæ rt að tilkynna um upphaf máls fyrr en eftir að skólanefnd ákvað að taka málið til meðferðar.
Með vísan til þess sem að framan er rakið gerir ráðuneytið ekki athugasemdir við málsmeðferð
Seltjarnarneskaupstaðar vegna þeirra þriggja álitaefni sem fjallað er um í erindi yðar.
F. h. r.
Guðjón Bragason (sign.)
G.Dýrleif Kristjánsdóttir (sign.)
Afrit:
Seltjarnarneskaupstaður