Dalabyggð - Möguleikar á flutningi jarðar í annað sveitarfélag

Friðrik Kjarrval                                                                        22. febrúar 1999                                                              99020082

Snorrabraut 30                                                                                                                                                                          1003

105 Reykjavík

          Vísað er til erindis yðar til ráðuneytisins, dagsett 14. þessa mánaðar, varðandi flutning jarðarinnar Akureyja I úr Dalabyggð í annað sveitarfélag.

          Í 3. gr. sveitarstjórnarlaga nr. 45/1998 eru svohljóðandi ákvæði:

          „Sveitarfélag hefur ákveðin staðarmörk.  Óheimilt er að breyta þeim nema með lögum.

          Þrátt fyrir ákvæði 1. mgr. getur ráðuneytið breytt mörkum sveitarfélaga í sambandi við sameiningu þeirra eða til staðfestingar á samkomulagi milli sveitarstjórna.“

          Framangreind ákvæði eru ákaflega skýr að því er varðar heimildir ráðuneytisins til að staðfesta breytingar á mörkum sveitarfélaga.  Samkvæmt þeim er ljóst að ráðuneytið getur ekki breytt mörkum Dalabyggðar nema það sveitarfélag sameinist öðru eða öðrum sveitarfélögum eða hreppsnefnd Dalabyggðar geri samkomulag við annað eða önnur sveitarfélög um breytingu á mörkum sveitarfélagsins.  Á annan hátt er ekki unnt samkvæmt sveitarstjórnarlögum að breyta núverandi mörkum Dalabyggðar.

F. h. r.

Sigríður Lillý Baldursdóttir (sign.)

Sesselja Árnadóttir (sign.)