Mál nr. 58/2022 Úrskurður 24. maí 2022

Mál nr. 58/2022                    Eiginnafn:     Adele (kvk.)

Hinn 24. maí 2022 kveður mannanafnanefnd upp svohljóðandi úrskurð í máli 58/2022 en erindið barst nefndinni 27. apríl.   

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Adele (kvk.) er endingarlaust í eignarfalli, Adele. Ekki er þó rétt að líta svo á að nafnið brjóti þar með í bága við skilyrði eitt hér að framan þar sem slíkt endingarleysi þekkist í öðrum íslenskum kvenmannsnöfnum sem enda á -e, t.d. Salóme. Nafnið Adele telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Adele (kvk.) er samþykkt og skal nafnið fært á mannanafnaskrá.