Mál nr. 75/2021 Úrskurður 1. júlí 2021

Mál nr. 75/2021                    Eiginnafn:     Nýdönsk (kvk.)

Hinn 1. júlí 2021 kveður mannanafnanefnd upp svohljóðandi úrskurð í máli 75/2021, en erindið barst nefndinni 28. júní.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Eiginnafn má ekki vera þannig að það geti orðið nafnbera til ama.

Eiginnafnið Nýdönsk (kvk.) telst uppfylla ákvæði 5. gr. laga um mannanöfn. Nafnið beygist svo: nf. Nýdönsk, þf. Nýdönsku, þgf. Nýdönsku, ef. Nýdanskar, sbr. önnur kvenmannsnöfn leidd af lýsingarorðum, t.d. Björt og Kolbrún.

Úrskurðarorð:

Beiðni um eiginnafnið Nýdönsk (kvk.) er samþykkt og skal nafnið fært á mannanafnaskrá.