Mál nr. 61/2024 Úrskurður 24. apríl 2024

Mál nr. 61/2024                    Eiginnafn:     Láki (kk.)

Hinn 24. apríl 2024 kveður mannanafnanefnd upp svohljóðandi úrskurð í máli 61/2024 en erindið barst nefndinni 16. apríl.  

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Láki (kk.) tekur íslenskri beygingu í eignarfalli, Láka, og telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Láki (kk.) er samþykkt og skal nafnið fært á mannanafnaskrá.