Mál nr. 93/2020 Úrskurður 19. október 2020

Mál nr. 93/2020                     Eiginnafn:      Regn

Hinn 19. október 2020 kveður mannanafnanefnd upp svohljóðandi úrskurð í máli 93/2020 en erindið barst nefndinni 25. september.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Eiginnafn má ekki vera þannig að það geti orðið nafnbera til ama.

Eiginnafnið Regn tekur íslenskri beygingu í eignarfalli, Regns, og telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Regn er samþykkt og skal nafnið fært á lista yfir kynhlutlaus nöfn í  mannanafnaskrá.