Mál nr. 125/2023 Úrskurður 6. desember 2023

Mál nr. 125/2023                  Eiginnafn:     Gjöll (kvk.)

Hinn 6. desember 2023 kveður mannanafnanefnd upp svohljóðandi úrskurð í máli nr. 125/2023 en erindið barst nefndinni 4. desember. 

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Gjöll (kvk.) tekur íslenskri beygingu í eignarfalli, Gjallar, og telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Gjöll (kvk.) er samþykkt og skal nafnið fært á mannanafnaskrá.