Mál nr. 80/2021 Úrskurður 11. ágúst 2021

Mál nr. 80/2021                    Eiginnafn:     Svarthöfði (kk.)

Hinn 11. ágúst 2021 kveður mannanafnanefnd upp svohljóðandi úrskurð í máli 80/2021 en erindið barst nefndinni 5. júlí.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Eiginnafn má ekki vera þannig að það geti orðið nafnbera til ama.

Eiginnafnið Svarthöfði (kk.) tekur íslenskri beygingu í eignarfalli, Svarthöfða, og tíðkaðist á Íslandi á öldum áður. Nafnið telst uppfylla ákvæði 5. gr. laga um mannanöfn og ber að samþykkja það.

Úrskurðarorð:

Beiðni um eiginnafnið Svarthöfði (kk.) er samþykkt og skal nafnið fært á mannanafnaskrá.