Mál nr. 42/2019 Úrskurður 22. maí 2019

Mál nr. 42/2019                    Eiginnafn:     Erlinda (kvk.)

Hinn 22. maí 2019 kveður mannanafnanefnd upp svohljóðandi úrskurð í máli 42/2019 en erindið barst nefndinni 8. maí.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Stúlku skal gefa kvenmannsnafn og dreng skal gefa karlmannsnafn.
• Eiginnafn má ekki vera þannig að það geti orðið nafnbera til ama.

Eiginnafnið Erlinda (kvk.) tekur íslenskri beygingu í eignarfalli, Erlindu, og telst að öðru leyti uppfylla ákvæði 5. gr. laga um mannanöfn.

Úrskurðarorð:

Beiðni um eiginnafnið Erlinda (kvk.) er samþykkt og skal nafnið fært á mannanafnaskrá.