Mál nr. 40/2019 Úrskurður 19. maí 2019

Mál nr. 40/2020                     Millinafn:       Best

Hinn 19. maí 2020 kveður mannanafnanefnd upp svohljóðandi úrskurð í máli 40/2020 en erindið barst nefndinni 18. maí.

Til þess að hægt sé að samþykkja nýtt millinafn og færa það á mannanafnaskrá þurfa öll skilyrði 6. gr. laga, nr. 45/1996, um mannanöfn að vera uppfyllt. Skilyrðin eru þessi:

• Millinafn skal dregið af íslenskum orðstofnum eða hafa unnið sér hefð í íslensku máli en má þó ekki hafa nefnifallsendingu.
• Nöfn, sem aðeins hafa unnið sér hefð sem annaðhvort eiginnöfn karla eða eiginnöfn kvenna, eru ekki heimil sem millinöfn.
• Millinafn skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Millinafn má ekki vera þannig að það geti orðið nafnbera til ama.

Auk þess má nafnið ekki vera ættarnafn í skilningi 7. gr. mannanafnalaga.

Millinafnið Best er leitt af íslenskum orðstofni og uppfyllir að öðru leyti framangreind skilyrði laga um mannanöfn og er heldur ekki ættarnafn í skilningi 7. gr. laganna.

Úrskurðarorð:

Beiðni um millinafnið Best er samþykkt og skal nafnið fært á mannanafnaskrá.