Skipulag félags- og vinnumarkaðsráðuneytisins

Æðsti yfirmaður félags- og vinnumarkaðsráðuneytisins er félags- og vinnumarkaðsráðherra. Æðsti embættismaður ráðuneytisins er ráðuneytisstjóri, sem stýrir daglegum rekstri þess.

Fjallað er um verkefnasvið félags- og vinnumarkaðsráðuneytisins í forsetaúrskurði um skiptingu stjórnarmálefna milli ráðuneyta (31.1.2022)

Í ráðuneytinu vinnur öflugur hópur fólks sem skiptist á fimm skrifstofur:

• Skrifstofu ráðuneytisstjóra

• Skrifstofu fjárlaga- og rekstrar

• Skrifstofu félags- og lífeyrismála

• Skrifstofu vinnumarkaðar

• Skrifstofu jafnréttis- og mannréttindamála

Því til viðbótar eru fjögur fagteymi starfrækt innan ráðuneytisins og liggja þau þvert á skrifstofurnar: Teymi um stefnumótun, nýsköpun, rannsóknir eftirfylgni; teymi um virkni; teymi um fjárflæði, samninga og kostnaðarendurmat; og teymi um samspil lífeyris og velferðarþjónustu.