Geir H. Haarde, forsætisráðherra, ávarpaði í dag hádegisverðarfund Ítalsk-íslenska viðskiptaráðsins í Róm og fjallaði um þróun efnahagsmála á Íslandi og viðskipti og fjárfestingar á milli Íslands og Ítalíu. Þar flutti einnig ávarp Emma Bonino, utanríkisviðskiptaráðherra Ítalíu. Þau greindu frá því að ákveðið hefði verið að stofna sérstakan samstarfshóp ríkjanna tveggja sem ætlað yrði að greina með hvaða hætti væri hægt að efla þessi samskipti enn frekar.

Við þetta tækifæri afhenti forsætisráðherra styrk til Silviu Cosimini sem hefur þýtt fjölda íslenskra bókmenntaverka á ítölsku.

Texti ávarps forsætisráðherra fylgir hjálagt á ensku.

                                                                                                                Reykjavík 26. október 2007