Verkefni innviðaráðuneytisins ná til fjölmargra sviða þjóðfélagsins og varða meðal annars samgöngur, sveitarstjórnar- og byggðamál, grunnskrár, húsnæðis- og mannvirkjamál og skipulagsmál. 

Ný ríkisstjórn sem tók við 21. desember 2024 kynnti breytingar á skipan Stjórnarráðsins. Ráðgert er að breytingar á skipulagi  og verkefnum ráðuneyta taki gildi 1. mars nk. en tillaga til þingsályktunar um breytta skipan ráðuneyta í Stjórnarráði Íslands verður lögð fyrir Alþingi í janúar.

Frá þeim tíma mun ráðuneytið aftur heitið samgöngu- og sveitarstjórnarráðuneytið. Helstu breytingar felast í því að fjarskipti færast til ráðuneytisins frá háskóla-, iðnaðar- og nýsköpunarráðuneyti en húsnæðismál og skipulagsmál færast frá ráðuneytinu til félags- og húsnæðismálaráðuneytis.

Verkefni ráðuneytisins eru skilgreind í forsetaúrskurði um skiptingu stjórnarmálefna milli ráðuneyta í Stjórnarráði Íslands (31. janúar 2022 með síðari breytingum). Breytingar verða gerðar á þessum forsetaúrskurði í byrjun árs 2025.

Eyjólfur Ármannsson er samgöngu- og sveitarstjórnarráðherra. Hann fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri er Ingilín Kristmannsdóttir og stýrir ráðuneytinu undir yfirstjórn ráðherra. Aðstoðarmenn samgöngu- og sveitarstjórnarráðherra eru Alexander Jakob Dubik og Andri Egilsson.

Verkefni ráðuneytisins skiptast á fjórar skrifstofur en auk þess er unnið í teymum þvert á skrifstofur:

• Skipurit ráðuneytisins
• skrifstofa húsnæðis- og skipulagsmála
• skrifstofa samgangna
• skrifstofa stefnumótunar og fjárlaga 
• skrifstofa sveitarfélaga og byggðamála