Skrifstofa samgangna

Skrifstofustjóri: Árni Freyr Stefánsson
Staðgengill skrifstofustjóra: Nína Guðríður Sigurðardóttir

Skrifstofa samgangna ber ábyrgð á samgöngumálum fyrir hönd ráðuneytisins. Undir þau falla allir helstu málaflokkar samgöngumála svo sem flugmál, siglingamál, umferðarmál, vegamál, almenningssamgöngur og flutningamál. Einnig falla rannsóknir samgönguslysa undir skrifstofuna. Skrifstofan ber ábyrgð á stefnumótun stjórnvalda á sviði samgöngumála og heldur utan um gerð samgönguáætlunar. Hún ber einnig ábyrgð á löggjöf um samgöngumál, regluverki og þróun löggjafar í samræmi við stefnu stjórnvalda og á alþjóðlegum skuldbindingum, þ.m.t. framkvæmd EES-samningsins.

• Samgönguáætlun fyrir árin 2020-2034 ásamt fimm ár aðgerðaáætlun 2020-2024 var samþykkt í júní 2020.

Samgönguáætlun tekur til fjáröflunar og útgjalda til allra greina samgangna, þ.e. flugmála, vegamála og siglingamála, þ.m.t. almenningssamgangna, hafnamála, sjóvarna, öryggismála og umhverfismála samgöngugreina. Þar skal skilgreina það grunnkerfi sem ætlað er að bera meginþunga samgangna og gera skal grein fyrir ástandi og horfum í samgöngum í landinu. Við gerð samgönguáætlunar skal m.a. byggja á þeim meginmarkmiðum að samgöngur séu greiðar, hagkvæmar, öruggar og umhverfislega sjálfbærar auk þess sem þær stuðli að jákvæðri byggðaþróun.

Við gerð samgönguáætlunar skal jafnframt miða að því að ná fram samræmdri forgangsröð og stefnumótun, hagkvæmri notkun fjármagns og mannafl og samræmdu skipulagi samgöngugreina og samstarfi stofnana ráðuneytisins og fyrirtækja á þess vegum. Einnig skal taka mið af því að fjármunir ríkissjóðs nýtist sem best og skal forgangsröðun byggjast á mati á þörf fyrir samgönguframkvæmdir í landinu í heild og í einstökum landshlutum.

Málefni

• Almenningssamgöngur og vöruflutningar
• Flugmál
• Siglinga- og hafnamál
• Slysarannsóknir
• Vegamál og samgönguframkvæmdir
• Umferðarmál