Það er stórkostlegt að sjá öll rannsóknarverkefnin sem hér eru kynnt. Iðnaðar- og viðskiptaráðuneytin tengjast verkefnum vísindasamfélagsins sem ráðuneyti nýsköpunar og þekkingarsamfélags. Undirstöður nútímasamfélagsins eru í vísindum, rannsóknum og menntun. Vísinda- og tækniráð skipað fulltrúum úr öllum áttum skiptir miklu máli í þessu. Brýnt fyrir þjóðina að stefna inn í þessa framtíð því að við verðum að mannast á heimsins hátt eins og skáldið sagði. Nú er mjög mikil fjölgun námsmanna á háskólastigi. Hér er háskólabylting á eftir framhaldsskólabyltingu áður og íslenskir háskólar eru líka að breytast og eflast á framhaldsstigi og doktorsstigi. Fjárveitingar aukast ár frá ári. Eflum þjóðarmetnað og þjóðarvitund á þessu mikilvæga sviði. Vísindavaka er hluti af þessari viðleitni og hluti af evrópsku sameiginlegu verkefni. Hér er vísindafólkið kynnt og sérstök áhersla lögð á börnin og aðild þeirra.

Óska okkur öllum til hamingju með þann metnað og þann vilja og þann árangur sem hér má sjá. Vísindavakan er opnuð.