Menningar- og viðskiptaráðuneytið verður lagt niður í núverandi mynd og færast málaflokkar og verkefni yfir á tvö onnur ráðuneyti. Ráðgert er að breytingar á skipulagi og verkefnum ráðuneyta taki gildi 1. mars nk. en tillaga til þingsályktunar um breytta skipan ráðuneyta í Stjórnarráði Íslands verður lögð fyrir Alþingi í janúar.

Forsetaúrskurður um skiptingu starfa ráðherra endurspeglar verkaskiptingu ráðuneyta eins og hún verður eftir breytingarnar sem taka gildi 1. mars nk. Þannig taka ráðherrar nú þegar við öllum þeim málaflokkum sem munu heyra undir ráðuneyti þeirra eftir að breytingarnar taka gildi.

• Viðskipti, neytendamál og ferðamál færast til atvinnuvegaráðuneytisins frá menningar- og viðskiptaráðuneyti.
• Menning og fjölmiðlar færast til menningar,- nýsköpunar- og háskólaráðuneytisins frá menningar- og viðskiptaráðuneyti