Um erindi til ráðuneytisins

Erindi til ráðuneytisins skal senda í gegnum netfangið [email protected]. Starfsfólk skjalastýringar ráðuneytisins beinir þeim í réttan farveg innan ráðuneytisins og leiðbeinir ef erindið á betur heima hjá annarri stofnun eða ráðuneyti.

Til að auðvelda og flýta afgreiðslu erinda er gott að hafa eftirfarandi til hliðsjónar:

• Að taka skýrt fram í efnislínu eða upphafi texta hvaða málefni á málefnasviði ráðuneytisins erindið snertir.

• Ef málið varðar t.d. beinar fyrirspurnir eða óskir um fund er gott að láta fylgja með hnitmiðaðar upplýsingar þar sem mikilvægt samhengi málsins er kynnt.

• Ef erindið varðar beiðni um styrk er gott að hafa kynnt sér fyrst þá styrki og sjóði sem í boði eru.

Ráðuneytinu berast margar fyrirspurnir og erindi og afgreiðsla þeirra tekur mislangan tíma.

Erindi sem berast ráðuneytinu eru skráð í málaskrá og yfirlit hennar er birt á vef Stjórnarráðsins. Upplýsingalög gilda um gögn og erindi sem berast til ráðuneytisins.

Nánari leiðbeiningar um tilhögun erinda er hægt að fá með því að hafa beint samband í síma 545 9500.