Úthlutunarnefnd launasjóðs tónskálda

Úthlutun starfslauna úr launasjóði tónskálda sbr. ákvæði 11. gr. laga nr. 57/2009 um listamannalaun og reglugerðar um listamannalaun nr. 834/2009.

Ráðherra skipar árlega og eigi síðar en 15. ágúst þriggja manna nefnd sem úthlutar fé úr launasjóði tónskálda. Tónskáldafélag Íslands tilnefnir tvo fulltrúa og Félag tónskálda og textahöfunda tilnefnir einn fulltrúa. Varamenn skulu skipaðir með sama hætti. Úthlutunarnefndin skiptir með sér verkum.

Tilnefningum af hálfu tilnefningaraðila skal hagað þannig að á aðalfundi eða formlega boðuðum félagsfundi er ákveðið hvernig staðið skuli að tilnefningu. Við tilnefningu skal leitast við að tryggja sem jafnastan hlut karla og kvenna í úthlutunarnefndum og þess skal gætt að sami aðili verði ekki tilnefndur oftar en þrjú ár í röð.