Starfshópur um úthlutun hjálpartækja

Framboð og tegundir hjálpartækja hafa breyst mikið á undanförnum árum. Ennfremur hefur þörf fyrir hjálpartæki breyst og aukist. Hjálpartæki sem Sjúkratryggingar Íslands útvega eða greiða styrki vegna, hafa því verið til sérstakrar skoðunar á undanförnum misserum. Reglugerð um styrki vegna hjálpartækja, nr. 760/2021, hefur verið breytt nokkrum sinnum í þá átt að veita betri þjónustu við þau sem þurfa á hjálpartækjum að halda. Mikilvægt er að halda áfram endurskoðun og horfa á málaflokkinn í heild sinni með aðkomu helstu hagsmunaaðila.

Óskað var tilnefninga í starfshópinn frá ÖBÍ réttindasamtökum, Íþrótta- og Ólympíusambandi Íslands, Sjúkratryggingum Íslands, Heilsugæslu höfuðborgarsvæðisins og félags- og vinnumarkaðsráðuneyti.

Hlutverk hópsins er að;

1. fara yfir núverandi fyrirkomulag á úthlutun hjálpartækja og leggja fram tillögur að einföldum breytingum. Hugað verði að mögulegri aðkomu heilsugæslu í umsóknum og úthlutun einfaldra hjálpartækja.
2. setja saman áætlun um frekari breytingar á reglugerðinni, þ.e. aukin réttindi fullorðinna og hvaða frístundahjálpartækjum væri æskilegt að bæta við í fylgiskjal reglugerðarinnar í þrepum. 

Starfshópinn skipa

• Guðlín Steinsdóttir, án tilnefingar, formaður
• Geir Sverrisson, tilnefndur af Íþrótta- og Ólympíusambandi Íslands
• Rósa María Hjörvar, tilnefnd af ÖBÍ
• Anna Sigríður Vernharðsdóttir, tilnefnd af Heilsugæslu höfuðborgarsvæðisins
• Júlíana H. Aspelund, tilnefnd af Sjúkratryggingum Íslands
• Soffía Dóra Jóhannsdóttir, tilnefnd af félags- og vinnumarkaðsráðuneytinu.

Starfsmaður hópsins er Andrea Jónsdóttir, sérfræðingur í heilbrigðisráðuneytinu.

Starfshópurinn var skipaður af heilbrigðisráðherra 9. október 2024 og er gert er ráð fyrir að hópurinn skili ráðherra tillögum sínum fyrir 1. mars 2025.