Framkvæmdahópur um óstaðbundin störf

Í stjórnarsáttmála Framsóknarflokks, Sjálfstæðisflokks og Vinstrihreyfingarinnar - græns framboðs frá því í nóvember 2021 segir að til að styðja við byggðaþróun og valfrelsi í búsetu verði störf hjá ríkinu ekki staðbundin nema eðli starfsins krefjist þess sérstaklega. Í byggðaáætlun fyrir árin 2022-2036, sem samþykkt var einróma á Alþingi í júní 2022, er aðgerð B.7 Óstaðbundin störf sem fjallar sérstaklega um þetta.

Með vísan í samþykkt ríkisstjórnar, dags. 31. janúar 2023, hefur innviðaráðherra skipað framkvæmdahóp um óstaðbundin störf sem hefur það hlutverk að fylgja verkefninu eftir.

Framkvæmdahópurinn er þannig skipaður:
Aðalsteinn Þorsteinsson, fulltrúi innviðaráðherra og formaður hópsins,
Aldís Magnúsdóttir, fulltrúi fjármála- og efnahagsráðherra,
Dagný Jónsdóttir, fulltrúi forsætisráðherra.

Með hópnum starfa sérfræðingar hjá innviðaráðuneytinu. Mannauðsstjórar ráðuneyta munu jafnframt koma að aðgerðinni með beinum hætti og hún unnin í nánu samstarfi allra ráðuneyta, Byggðastofnunar, Fjársýslu ríkisins, Félags forstöðumanna ríkisstofnana og annarra hlutaðeigandi aðila.