Fagráð Asks - mannvirkjarannsóknarsjóðs

Með lögum nr. 25/2021 um opinberan stuðning við nýsköpun voru gerðar breytingar á lögum nr. 160/2010 um mannvirki, þess efnis að stofnaður skyldi samkeppnissjóður um bygginga- og mannvirkjarannsóknir. Sjóðurinn er samstarfsverkefni innviðaráðuneytis og háskóla-, iðnaðar- og nýsköpunarráðuneytis og er hlutverk hans að veita styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar, í samræmi við markmið mannvirkjalaga. Húsnæðis- og mannvirkjastofnun annast umsýslu sjóðsins, þar með talið umsýslu og úthlutun styrkja. 

Hlutverk fagráðsins er að annast faglegt mat umsókna í samræmi við áherslur á sviði nýsköpunar og atvinnulífs, veita umsögn um styrkumsóknir og gera tillögur til ráðherra um úthlutun styrkja. Fagráðið er jafnframt ráðgefandi fyrir ráðherra um fagleg málefni við úthlutanir úr sjóðnum eftir því sem óskað er. Fagráðið er skipað eftirtöldum aðilum:

• Gústaf Adolf Hermannsson, formaður, fulltrúi Húsnæðis- og mannvirkjastofnunar.
• Björn Karlsson, fulltrúi innviðaráðuneytis.
• Kristján Orri Kjartansson, fulltrúi háskóla-, iðnaðar- og nýsköpunarráðuneytis.
• Anna María Bogadóttir, fulltrúi samstarfsnefndar háskólastigsins,
• Ingibjörg Birna Kjartansdóttir, fullrúi Samtaka iðnaðarins.

Til vara:

• Elín Þórólfsdóttir, fulltrúi Húsnæðis- og mannvirkjastofnunar.
• Valdís Ösp Árnadóttir, fulltrúi innviðaráðuneytisins
• Arngrímur Blöndahl Magnússon, fulltrúi háskóla-, iðnaðar- og nýsköpunarráðuneytisins
• Ólafur Pétur Pálsson, fulltrúi samstarfsnefndar háskólastigsins.
• Eyrún Arnarsdóttir, fulltrúi Samtaka iðnaðarins.

Skipað til og með 6. nóvember 2027.