Stjórn Landspítala

Landspítali starfar samkvæmt lögum nr. 40/2007, um heilbrigðisþjónustu, með síðari breytingum. Samkvæmt 8. gr. a. laganna skipar heilbrigðisráðherra fimm menn í stjórn Landspítala, og tvo til vara, til tveggja ára í senn. Skal einn skipaður formaður stjórnar og annar varaformaður. Jafnframt skal ráðherra skipa tvo áheyrnarfulltrúa úr hópi starfsmanna Landspítalans með málfrelsi og tillögurétt, án atkvæðisréttar. 

Stjórn Landspítala skal í samráði við forstjóra marka stofnuninni langtímastefnu í samræmi við stefnumörkun ráðherra og hlutverk stofnunarinnar samkvæmt lögum. Formaður stjórnar Landspítala skal reglulega gera ráðherra grein fyrir starfsemi stjórnar og stöðu og árangri spítalans. Að öðru leyti er um hlutverk stjórnar og formanns vísað til 8. gr. a laga nr. 40/2007, reglugerðar um stjórn Landspítala og erindisbréfs stjórnar. 

Stjórn Landspítala skipa

• Björn Zoëga, forstjóri, formaður
• Gunnar Einarsson, fv. bæjarstjóri 
• Höskuldur H. Ólafsson, ráðgjafi 
• Ingileif Jónsdóttir, deildarstjóri og prófessor
•  Sólrún Kristjánsdóttir, framkvæmdastjóri, varaformaður

Varamenn

• Birgir Gunnarsson, framkvæmdastjóri 
• Ragnheiður Ósk Erlendsdóttir, framkv.stj. hjúkrunar 

Áheyrnarfulltrúar starfsmanna

• Signý Sveinsdóttir, hjúkrunarfræðingur
• Theódór Skúli Sigurðsson, sérfræðingur 

Varamaður áheyrnarfulltrúa

• Erla Björg Birgisdóttir, yfirsálfræðingur

Stjórnin er endurskipuð af heilbrigðisráðherra frá 11. júlí 2024 til næstu tveggja ára.