Afurðasjóður Grindavíkurbæjar 2024-2026

Hlutverk sjóðsins er að veita rekstraraðilum sem falla undir gildissvið laganna fjárhagsaðstoð til að bæta meiri háttar óbeint tjón á matvælum og fóðri í eigu rekstraraðila af völdum náttúruhamfara í Grindavíkurbæ, þ.m.t. tjón vegna rýmingaraðgerða stjórnvalda sem tengjast hamförunum. Afurðasjóður lýtur stjórn þriggja manna sem matvælaráðherra skipar til tveggja ára í senn, einn samkvæmt tilnefningu forsætisráðherra, einn samkvæmt tilnefningu ráðherra sem fer með opinber fjármál og einn án tilnefningar sem vera skal formaður.

Stjórnin er þannig skipuð:

• Inga Eiríksdóttir, án tilnefningar, formaður stjórnar sjóðsins.
• Guðrún Birna Finnsdóttir, tilnefnd af fjármála- og efnahagsráðherra.
• Bjarki Vigfússon, tilnefndur af forsætisráðherra.