Verkefnisstjórn um markaðsverkefni í þágu íslenskrar ferðaþjónustu

Ferðamála-, iðnaðar- og nýsköpunarráðherra og Íslandsstofa undirrituðu þann 3. apríl sl. samning um markaðsverkefni í þágu íslenskrar ferðaþjónustu sem hluta af efnahagsaðgerðum stjórnvalda vegna COVID-19 faraldursins. Verkefnið verður starfrækt á völdum erlendum mörkuðum. Markmið þess er að auka eftirspurn eftir íslenskri ferðaþjónustu, styrkja ímynd Íslands sem áfangastaðar og viðhalda samkeppnisstöðu íslenskrar ferðaþjónustu og annarra útflutningsgreina. Það verður unnið í samræmi við  framtíðarsýn og leiðarljós íslenskrar ferðaþjónustu til 2030 sem ber yfirskriftina „Leiðandi í sjálfbærri þróun“ og langtímastefnu stjórnvalda og atvinnulífs fyrir íslenskan útflutning.

Verkekefnisstjórnina skipa:

• Agnar Lemacks formaður, tilnefndur af ráðherra
• Unnur Valborg Hilmarsdóttir, tilnefnd af ráðherra
• Sunna Þórðardóttir, tilnefnd af ráðherra
• Gísli S. Brynjólfsson, tilnefndur af Samtökum ferðaþjónustunnar
• Atli Sigurður Kristjánsson, tilnefndur af Samtökum ferðaþjónustunnar
• Karitas Kjartansdóttir, tilnefnd af Samtökum ferðaþjónustunnar
• Eva María Þórarinsdóttir Lange, tilnefnd af Samtökum ferðaþjónustunnar
• Elín Árnadóttir, tilnefnd af Samtökum ferðaþjónustunnar
• Arna Schram, tilnefnd af Reykjavíkurborg
• Arnheiður Jóhannsdóttir, tilnefnd af Markaðsstofum landshlutanna