Samráðshópur um skipulagningu eftirlits með veiðum erlendra skipa

Matvælaráðherra hefur skipað samráðshóp um skipulagningu eftirlits með veiðum erlendra skipa, skipunartími hópsins er frá 31. janúar 2023 til 1. febrúar 2027. 

Í júní 2018 skilaði starfshópur er skipaður var fulltrúum atvinnuvega- og nýsköpunarráðuneytisins, Fiskistofu og Landhelgisgæslu Íslands álitsgerð um eftirlit með veiðum erlendra skipa í íslenskri lögsögu.  Meðal tillagna hópsins var að sett yrði á stofn samráðshópur ráðuneytisins, Fiskistofu og Landhelgisgæslunnar sem komi saman minnst tvisvar á ári, fyrir upphaf loðnuvertíðar og aftur að vori, og móti áherslur og fyrirkomulag eftirlits með fiskveiðum erlendra skipa.  Verkefni samráðshópsins myndu einnig ná  til þess að móta heildarstefnu í eftirliti með veiðum innlendra skipa.

Í samráðshópnum eru eftirfarandi:

    Skúli Kristinn Skúlason formaður, skipaður af matvælaráðuneyti
    Sóley Kaldal, aðalmaður, skipuð af matvælaráðuneyti
    Viðar Ólason, aðalmaður, skipaður af Fiskistofu
    Elín Björg Ragnarsdóttir, varamaður skipuð af Fiskistofu
    Guðríður M. Kristjánsdóttir, aðalmaður, skipuð af Landhelgisgælsu Íslands
    Björgólfur H. Ingason, varamaður, skipaður af Landhelgisgæslu Íslands