Starfshópur um starfstengdar námsleiðir að loknu námi á starfsbrautum framhaldsskólanna

Í sáttmála um ríkisstjórnarsamstarf Framsóknarflokks, Sjálfstæðisflokks og Vinstrihreyfingarinnar- græns framboðs er kveðið á um að sérstaklega verði horft til þess að bæta afkomu örorkulífeyrisþega og möguleika þeirra til virkni, menntunar og atvinnuþátttöku á eigin forsendum. Jafnframt er kveðið á um að vinna eigi markvisst að því að tryggja menntunartækifæri fyrir fatlað fólk.

Starfshópurinn hefur það hlutverk að leggja fram tillögur í því skyni að auka framboð á starfstengdum námsleiðum að loknu námi á starfsbrautum framhaldsskólanna. Gert er ráð fyrir að í störfum sínum taki starfshópurinn meðal annars mið af aðgerð D.5. og öðrum þeim aðgerðum sem fjalla um aukin náms- og atvinnutækifæri í Landsáætlun í málefnum fatlaðs fólks fyrir árin 2024 – 2027.

Starfshópurinn er þannig skipaður:

• Sara Dögg Svanhildardóttir, án tilnefningar, formaður.
• Hulda Anna Arnljótsdóttir, án tilnefningar.
• Valgerður Unnarsdóttir, tilnefnd af Ási styrktarfélagi.
• Helga Gísladóttir, tilnefnd af Fjölmennt.
• Hildur Betty Kristjánsdóttir, tilnefnd af Fræðslumiðstöð atvinnulífsins.
• Jón Ari Arason, tilnefndur af Geðhjálp.
• Helga Eysteinsdóttir, tilnefnd af Hringsjá.
• Þór Hauksson, tilnefndur af mennta- og barnamálaráðuneyti.
• Sigurbjörg Erla Egilsdóttir tilnefndur af Sambandi íslenskra sveitarfélaga.
• Baldur Pálsson, tilnefndur af Sambandi sveitarfélaga á höfuðborgarsvæðinu.
• Björn Finnbogason, tilnefndur af Vinnumálastofnun.
• Unnur Helga Óttarsdóttir, tilnefndur af Þroskahjálp.
• Svavar Kjarrval Lúthersson, tilnefndur af ÖBÍ

Starfsmaður hópsins er Tryggvi Haraldsson frá félags- og vinnumarkaðsráðuneyti.