Samráðsvettvangur um loftslagsaðgerðir í landbúnaði og landnotkun

Matvælaráðherra hefur skipað samráðsvettvang um loftslagsaðgerðir í landbúnaði og landnotkun. Tilgangur með skipan vettvangsins er að bæta upplýsingaflæði, byggja upp traust, bæta gögn varðandi losun og bindingu gróðurhúsalofttegunda og samþætta aðgerðir í landbúnaði og landnotkun í þágu loftslags og vegna aðlögunar að loftslagsbreytingum. Hlutverk samráðsvettvangsins er:

• að hafa hverju sinni yfirsýn yfir rannsóknir sem unnið er að og stöðu þekkingar,
• að hafa yfirsýn yfir losunarbókhald landnotkunar og landbúnaðar,
• að leggja mat á stöðu og þróun loftslagsaðgerða í landbúnaði og landnotkun,
• að gera tillögur um aðgerðir í loftslagsmálum í landbúnaði og tengdri landnotkun,
• að fjalla um og gera tillögur um útfærslur aðgerða og leiðir til að stuðla að framgangi þeirra,
• að fjalla um samspil landnotkunar, landbúnaðar og aðlögunar að loftslagsbreytingum

Í samráðsvettvangnum eiga sæti:

Rafn Helgason, formaður, tilnefndur af matvælaráðherra,
Bryndís Eiríksdóttir, tilnefnd af matvælaráðherra,
Jóhann Þórsson, tilnefndur af Landgræðslunni,
Úlfur Óskarsson, tilnefndur af Skógræktinni,
Borgar Páll Bragason, tilnefndur af Ráðgjafarmiðstöð landbúnaðarins,
Elín Björk Jónasdóttir, tilnefnd af umhverfis-, orku- og loftslagsráðuneyti, 
Ásta Karen Helgadóttir, tilnefnd af Umhverfisstofnun,
Jóhanna Gísladóttir, tilnefnd af Landbúnaðarháskóla Íslands,
Ragnheiður Björk Halldórsdóttir, tilnefnd af Bændasamtökum Íslands.