Stýrihópur um áfengis- og vímuefnameðferðarkerfið
Árið 2024 ákvað heilbrigðisráðuneytið að ráðast í stöðumat á meðferðarþjónustu vegna vímuefnavanda með það fyrir augum að koma á viðmiðum fyrir meðferð og gæðastjórnun. Til verksins var ráðinn Dr.jur. Thomas Kattau sem skilaði skýrslu um stöðumat og lagði til aðgerðir til að efla samhæfingu, bæta aðgengi og auka gæði meðferðarþjónustunnar. Því hefur heilbrigðisráðherra ákveðið að skipa stýrihóp um áfengis- og vímuefnameðferðarkerfið til næstu 12 mánaða.
Hlutverk hópsins er að efla samskipti og samhæfingu þjónustuveitenda og stuðla að tímanlegri heilbrigðisþjónustu fyrir notendur. Stýrihópnum er ætlað að leiða vinnu til að skapa sameiginlegan skilning á hlutverki og ábyrgð aðila sem og veita aðilum vettvang til að vinna að lausnum, samhæfingu og þróun þjónustu. Til þess getur stýrihópurinn meðal annars boðið til vinnustofu hagsmunaaðila eða myndað vinnuhópa.
Óskað var eftir tilnefningum á fulltrúum í stýrihópinn frá Landspítala, bæði frá geðsviði og bráðasviði, frá heilsugæsluþjónustu heilbrigðisstofnana, frá SÁÁ, Hlaðgerðarkoti, meðferðarheimilinu Krýsuvík og fulltrúa Geðráðs sem jafnframt er fulltrúi notenda.
Stýrihópinn skipa
- Helga Sif Friðjónsdóttir, án tilnefningar, formaður
- Signý Guðbjartsdóttir, tilnefnd af Hlaðgerðarkots
- Bjarni Össurarson, tilnefndur af geðsviði Landspítala
- Kristín Davíðsdóttir, tilnefnd af bráðasviði Landspítala
- Hildur Svavarsdóttir, tilnefnd af heilsugæsluþjónustu heilbrigðisstofnana
- Anna Hildur Guðmundsdóttir, tilnefnd af SÁÁ
- Gísli Kort Kristófersson, tilnefndur af Geðráði
- Elías Guðmundsson, tilnefndur af Krýsuvík
- Sigríður Jónsdóttir, án tilnefningar
Starfshópurinn er skipaður af heilbrigðisráðherra 24. mars 2025 og skal skila skýrslu til ráðherra fyrir lok mars 2026.