Samstarfshópur ráðuneyta um málefni Vísinda- og tækniráðs

Samstarfshópur ráðuneyta um málefni Vísinda- og tækniráðs styður við markmið ráðsins um að efla vísindarannsóknir, vísindamenntun og tækniþróun í landinu í því skyni að treysta stoðir íslenskrar menningar og auka samkeppnishæfni atvinnulífsins. Skipun samstarfshópsins gildir frá 1. maí 2022 til loka árs 2025.

Hlutverk samstarfshóps um málefni Vísinda- og tækniráðs eru eftirfarandi:

• Að vera vettvangur  samráðs og samvinnu vegna undirbúnings funda Vísinda- og tækniráðs og um efni fundanna.

• Að vera tengiliður milli ráðsins og starfsnefnda þess og ráðuneyta þeirra ráðherra sem sæti eiga í ráðinu. Þegar unnið er að stefnu og aðgerðaráætlunum skulu tengiliðir miðla upplýsingum  frá Vísinda- og tækniráði til ráðuneyta og öfugt.

• Að sinna öðrum þeim verkefnum sem nauðsynleg eru til að starfsemi Vísinda- og tækniráðs gangi vel fyrir sig.

Samstarfshópurinn er þannig skipaður:

Rósa Guðrún Erlingsdóttir, formaður, án tilnefningar

Ásgeir Runólfsson, tilnefndur af fjármála- og efnahagsráðuneyti

Snæfríður Arnardóttir, tilnefnd af matvælaráðuneyti

Magnús Júlíusson, tilnefndur af háskóla-, iðnaðar- og nýsköpunarráðuneyti

Una Strand Viðarsdóttir, tilnefnd af háskóla-, iðnaðar- og nýsköpunarráðuneyti

Herdís Helga Schopka, tilnefnd af umhverfis-, orku- og loftlagsráðuneyti

Helga Ágústsdóttir, tilnefnd af heilbrigðisráðuneyti

Elísabet María Andrésdóttir, sérfræðingur hjá Rannís og ritari starfsnefnda Vísinda- og tækniráðs, án tilnefningar

Margrét Helga Ögmunsdóttir, formaður vísindanefndar, án tilnefningar

Hilmar Bragi Janusson, formaður tækninefndar, án tilnefningar