Umbra – þjónustumiðstöð Stjórnarráðsins

Umbra - þjónustumiðstöð Stjórnarráðsins er ráðuneytisstofnun sem sinnir upplýsingatæknimálum og ýmsum sameiginlegum rekstrarþáttum ráðuneytanna, að hluta eða í heild, með það að markmiði að stuðla að hagkvæmni í rekstri. Umbra heyrir undir fjármála- og efnahagsráðuneytið.

Framkvæmdastjóri Umbru er Viktor J. Vigfússon.

Hlutverk

Miðstöð innri þjónustu og þróunar sem gerir ráðuneytunum kleift að einbeita sér að kjarnastarfsemi sinni.

Framtíðarsýn

Við bindum ráðuneytin saman í eina heild með framúrskarandi þjónustu og fjölbreyttum lausnum.

Meginverkefni

Megin rekstrarverkefni þjónustumiðstöðvarinnar felast í eftirfarandi þjónustu til ráðuneyta í Stjórnarráði Íslands:

• Viðhalda öruggum aðgangi að miðlægum upplýsingakerfum.
• Útvega starfsfólki þann búnað og þjónustu sem þau þurfa.
• Viðhalda miðlum fyrir innri og ytri upplýsinga­gjöf og samskipti.
• Ráðgjöf varðandi nýja tækni, gagnavernd og gagnastjórnun.
• Rekstur og öryggi bygginga og annarra innviða.
• Þjálfun, fræðsla og annar stuðningur við að efla mannauð.
• Þjónustuver sem annast m.a. símsvörun, móttöku og almenna þjónustu við starfsfólk og almenning.
• Akstursþjónusta og öryggisgæsla fyrir ráðherra.
• Þjónusta við fastanefndir ráðuneytanna og aðra tengda aðila.
• Önnur virðisaukandi þjónusta í takt við þarfir á hverjum tíma.

Persónuverndarskilmálar Umbru - þjónustumiðstöðvar Stjórnarráðsins

Umbru - þjónustumiðstöð Stjórnarráðsins er ætlað að annast reksturinn á sem hag­kvæm­astan hátt í nánu samstarfi við ráðuneytin. 

Símanúmer afgreiðslu er 545 8800. Opið er frá 8:30 – 16:00. Netfangið er: [email protected] 

Rekstur skýjageira fyrir stofnanir

Umbra og fjármála- og efnahagsráðuneytið hafa gert með sér samning sem hefur það að markmiði að koma á samstarfi milli opinberra aðila um nýtingu á tölvuskýjalausnum ríkisins. Í því felst að Umbra sér um rekstur og stjórnun á Microsoft 365 umhverfi og lausnum (skýjageira) fyrir hönd tiltekinna stofnana.

• Þjónustuskilmálar Umbru fyrir rekstur skýjageira stofnana
• Gjaldskrá Umbru fyrir rekstur skýjageira stofnana
• Microsoft-leyfi
• Umsókn um stofnanaaðild að Microsoft 365 umhverfi ríkisins

Helstu netföng

Listi yfir starfsfólk Umbru.

Skipulag